عدد الرسائل : 322 السٌّمعَة : 0 نقاط : 11779 تاريخ التسجيل : 23/04/2008
موضوع: اسكت ماتحكيش 7/10/2008, 2:09 pm
اسكت ما تحكيش انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
*** ممنوع تجدد هوية
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
***
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب
*** مع انو الحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي
فلسطينى وافتخر
Angel عضو نشيط
عدد الرسائل : 13 السٌّمعَة : 0 نقاط : 11646 تاريخ التسجيل : 27/05/2008
موضوع: رد: اسكت ماتحكيش 7/10/2008, 7:00 pm
ولك تقبري قلبي على هيك مشاركة والله كتير حلوة وعجبتني وبضحك صحيح وبتبكي كمان معلش بعين الله .قولوا يا رب احسن من كل الدنيا
الصمت الجارح v_i_p
عدد الرسائل : 215 السٌّمعَة : 0 نقاط : 11716 تاريخ التسجيل : 22/04/2008
موضوع: رد: اسكت ماتحكيش 7/16/2008, 11:59 am
مشكورة كتير كتير علي هيك كلمات والله صاروخ يا ام ايمن حلوة وفوق رائعة مشكورة كمان مرة فعلا فلسطيني مش من حقك تعيش لكن لازم تبقي عزيمتنا وهمتنا مرفوعه لانو النصر قريب بعون الله يعطيكي العافية تقبلي مروري
جروح الروح عضو مشارك
عدد الرسائل : 51 السٌّمعَة : 0 نقاط : 11698 تاريخ التسجيل : 01/05/2008
موضوع: رد: اسكت ماتحكيش 7/19/2008, 10:26 am
مشكور اكثير ام ايمن الصراحة انا قطعت المـنتدي فترة وذلك بسبب التجهيزات للعرس وعقبال عنكوا وان شاء الله بعد العرس اكون علي استمرا ومشكر كمان مرة تقبلووااااااااااا تحياتي جروووووووووح الرووووووووووح