مشكله بعاني منها الجميع خاصه ايامنا هذه وفي وضعنا هذا واكتر شي بنعاني منه الزهق والفراغ الايام هادي واكتر شي الشباب لانو البطاله عنا كتيرة ومافي اعمال ووظائف متوفرة للشباب وكمان الركود الاقتصادي والازمه اللي البلد بتعاني منها ........
والله الحل يعني صعب اشوي لانو بصراحه الواحد لمن يحس بالملل ببقي نفسه يطلع ويطش او يعمل شيء مشان مايحس بالفراغ احنا بالنسبة النا صعب لانو مشاء الله ما في اماكن الواحد يروح يزورها ومافي شغل ...
بالنسبة لأي بلد تانية ممكن الواحد يلعب رياضه ويزور اماكن تاريخية او دينية وكمان ممكن الواحد يتثقف اشوي بقراءة الكتب كمان اذا كان عند اي شخص هواية وبلاقي مجال انو يمارسها او ينميها اكيد بكون حلو كتير // كمان ممكن الواحد يشغل وقته بين البيت والعمل والدراسة وممكن اذا في فراغ كتير بيقدر ياخد اي دورة علميه يستفيد من خلالها بأي مجال ممكن الاستفادة منه وكمان ما ننسي انو في وقت للعبادة وقراءة القرءان ....
الافضل انو الواحد ينظم وقته بين كل هذه الاشياء مابحس بالملل كتير بس ما يكرر نفس الشيء كل يوم // يحاول يكون في تغيير ... وكمان السفر كتير حلو للانسان بجدد نشاطه وبرتاح وبحس براحه نفسيه بس شرط يكون السفر لأماكن هادية مريحه فيها هواء نقي متل الذهاب لمناطق طبيعيه كتير حلوة ....
والله احنا اللي مزهقنا // قطع الكهربا والغاز والسولار وكمان مافي لبس جديد ولاموضه جديدة ولاشي جديد بالبلد كلو متل بعضو // واغلاق المعابر// وعدم وجود وظائف// والمواصلات الصعبة // والاحتلال // والحكومة الجديدة اللي مشاء الله بس مهمتهم يحتلو الكراسي فقط // الواحد صارت ايامه متل بعض مافي تغيير // الواحد قرب يصير معه هوووووس من هالخنقه اللي احنا فيها ...
نصيحه للشباب بدل ما ينامو ويقولو مافي شغل // يشغلو وقتهم بأنو يفيقو بكير من النوم ويمارسه الرياضه ويلعبو كرة قدم -- وياخدو دورات حاسوب مفيدة -- يصلوا بالجامع -- يسهرو مع اصحابهم-- يروحو علي البحر -- المنتزه -- يعني هما شباب وممكن يطلعو ويفرفشو -- بس احنا الصبايا ياويلي علينا دايما بالبيت ههههههههه
الله يفرجها علي الجميع ..... تحياتي الك ادمن وللجميع مشكور ....
5/15/2008, 9:45 pm
