هذا بقلك مرة اجا يدرسنا في صف اول ثانوي مدرس عربي من ليبا
المهم من الاخر شخصيته ضعيفة قمنا استهلسناه
اتفقت الطلاب الشاطرين اللي متلي انه نستخدم الخطة رقم 222.1 مش عارف ليش الوحد
اللي هي بتنص على انه التالي
انه نجيب ساعة ديجتال اللي بتطلع اصوات
وجبنا الساعة ودخلنا الفصل يا محلانه وضبطناها بعد عشر دقايق من بداية الحصة
دخل المدرس مش مصدق حاله
وبيضحك الغلبان
وبحكيلنا اللهم صلى على النبي مالكم ساكتين اليوم
وقف الطالب المهزب الشاطر الاخ ناجي قصدي قلقيشن
وحكاله خلص يا استاذ صرنا شاطرين وبدنا نقعد ساكتين
صدق المدرسة وانبسط
بداء يشرح بالدرس والطلاب ساكتة
بعد عشر دقايق
بدأت الساعة بالرن
وهاتلك ضحك على منظر الاستاذ
وهو بدور وين الساعة حطينها
ويزعق مين اللي معه الساعة
والطلاب ما حد بعرف الكل بحكيلوا ما بعرف
والزلمة الطيب قصدي الاستاذ بدور
بالاخر بعد ما زهقنا ضحك عليه قام شب وحكى للاستاذ احكيلك وين الساعة
الساعة هيها هان
راح الاستاذ جابها وحكى مين السافل اللي عمل هاي العملة
كنا مقهورين من عريف الصف شب غلبان بس كان يكتب اسمائنا للمدير ينزلهم
حكينالوا اللي حط الساعة فلان الفلاني
وهددنا ما نحكيلك
وهلقيت حيضربنا
قولكم بعد كام يوم شو صار
العريف انضم للشلة تعتنا وصار مشاغب
6/17/2008, 10:18 pm
