مواقف وردات فعل كتير بتصادف الناس وهو بين ازقة وحواري الحياة سواء بحديقة المنتدى العامه لما يلاقي الحريم حوليه زي الورد .. او الديوان الداخلي واللي بتكون فيه النقاشات سُخنـه كتيـر .. اوالساحه الخارجيـه اللي بيهنـدس سيجارة البانجو فيها من ورا ضهر الحكومه .. او في القهوه وهو بيـشد ووبيكتـم ..
فاحنا هدفنا تجسيـد ردة الفعل المناسبـه والسريـعه في اي موقف مُباشر وعلى الهواء مُباشرة بكلمه او حكمه اجتـهاديـة ,, وراح نستعيـن بجزء من اساسيات >>معجم ابو منصور لعلم الامراض المُعديـة<<
وخلينا نبـدأ اول درس ورجاء ً ما حد يعلق عالقضيه او يدخل بمداخله الا بعد ما يرفع رجلو قصدي ايدو
كل موقف وحـدث راح اكتبو << وبجوارو الكلمه المناسبه للموقف هادا
. .. . .. . .. . .. .
وراح نبـدأ في الاساسيات::-
* بداية ,, لما تعدي على المخاتير صباحا ً بتحكيلهم << سلامات يا قيـاده
* ولما تـعدي على مجموعة بـشر بتعرفهم! بتسلم عليـهم وبتحكيـلهم << سلامات يا حكومه
* عنـد السؤال للاطمئنان عن الحال وعن الوضع! << ايـش النـظام ؟
* وللتعبير عن سلامة وتمام الوضع والحال << كلو في السليـم وفي اقوال أ ُخـرى :: كلو في الاوك.. وازا كـُنت حابب تظهر مواهبـك بالانـجلش بتقول :: Kolo fe alsafe side
* اما ازا كان الوضع مش تمام << اذن الوضع كـرب
. .. . .. . .. .
* وانتا ماشي بحديقة المنتدىواجهت احد صبايا المنتدى ماشيه وخجلانه << بترميـلها كلمة شدي يا عنبه
* او جالس معها وفي بينـكم عامل مشترك وهو الشيشه فلما تسلمها المعلوم << بتحكيـلها شدي يا عنبه!! لرفع المعنويات
* اما لما تكون البنت نسبة الجمال عنـدها عاليـه جدا ً << ضروري بموقف حساس زي هيك ترميلها كلمة::- شدي يا كـرزه
* لا زلنا بالحديقه وبين حشود الحريم!! ,, ولما تشوف مجموعة بنات متجمعين سوا في الحديقه وعاملين جو كهربـا << بتكون الحاله بالموقف هادا : كالونيـا ..
. .. . .. . .. .
* لما تلاقي واحد ماشي ومبسوط كتير وبيوزع ابتسامات رايحه وجايـه << بكون عايـش الدور مع نـفسو
* لما بدك تماشي واحد بالكلام او تحكيلو اوك او حاضر << بتحكيـلو ماشي كلامك
* ولما بدك تشجع شخص للقيـام بشئ << بتبـدأ دواويـن الكلام بــ :: هندسلي امورك
. .. . .. . .. .
* للتعبير عن شخص مش فاهم ايـش فيه؟؟ << الكلمة المناسبـه :: مش معزوم عالحفـله
* للتعبير عن شخص لا يفقه شئ وما الو دعوه باللي بيصير << سلامتـك ما احلـى بيجامتـك
. .. . .. . .. .
*** في حالة تـأزم الامور بتكون هناك 3 درجات للازمـه::--
* الدرجه الاولى وهي ازمه بسيطه << بيتم التعبير عنها بـ :: الوضع اكموله
* الدرجه التانيـه وهي ازمة متوسطة الوطيـس << وبيتم التعبير عنها بـ:: الوضع سكلنـس "غالبـا ً بتكون مرتبـطه بموقف مع الحريـم " راجـع موضوع دعوه عامـه من هنـا
* اما الدرجه التالته واللي بتكون الامور فيها متأزمه كتير ومُستفحله << فبـكون الوضع وقتها زي وضع ابو غضب بالزبـط :: الوضع استـكروفاا
* اما لما يكون الوضع ممتاز وجميـل وشـاعري << فيتم التعبيـر عن الحاله هاي بــ :: الوضع بريـفكس
* ولما يكون الوضع متـأزم شوي ومليان ناس وزحمه وبـوادر قلق << فيتم التعبيـر عن الحاله هادي بــ:: الوضع كربونه
. .. . .. . .. .
* لما تكون في مقر الشيشه وبدك تطلب من الصبي يزبطلك راس شيشه مُعتبر وتعميرتو اخر افتخـار << بتحكيـلو : ونجكلي راس شيـشه نظام اخر رستـكه!! وبضمنـلك بـعدها انو راح يكون راس شيشه نظام فاخر عالآخـر
. .. . .. . .. .
* درجة مُتـقدمه من البـوس الـKiss يعني << يتم التعبير عنـها بـ :: جغط /// مثال بسيـط :: بنت مهندسه نفسها وعايشة قمة الهنـدسه مع نـفسها وعدت من جوارك بتكون هادي نظام جغط
. .. . .. . .. .
* لما تنعس لدرجة انك تعدي الحلم قبل ما تنام فيفضل انك تقول للجمهور اللي سهران معك << بدي اروح استـشهد (تعبير عن شدة النـعس)
* اما ازا ما حكيتلهم وضليتك صامد في السهره ونمت فجأه << فبكون موقف لحظة نومك ::- سحلت سهوا ً
. .. . .. . .. .
* احد مراحل الضرب المُتـقدمه في الطوش << نظام جدِعَّ // مثـال:: جدعِّتـِلك هالواحد هالجدعِّه !!
. .. . .. . .. .
* لما بـدك تعمل شغله بالتدريج او بالتقسيط << فبيكون التعبير الانسب:: حبه حبه على المحبـه
. .. . .. . .. .
* لما بكون بالك رايق والمخ فاضي << يبقى الغزاله رايـقه
. .. . .. . .. .
* وطبـعا ما بدنـا ننسى كلمة تقلقيـش حالك وهيا من اهم الاساسات وبنحيي مؤسسها ابو عماد << واللي بتعبر عن ابـعاد القلق والتوتر العصبي عن المنـطقه
+ نفطه صغيـرة كمان:: لما تحكي كلمة ممتـاز يُفضل تقولها منـتاز (بحرف النون) على قولة البرنس ابو حاتـم
** طبـعا ً في مصطلحات تانيه مشفره >> اللي بدو يحصل عليـها يراسلني بالبريد
= = = = =
هادا بالنسبـة لنظام التأسيسي ,,
الحلقه القادمه راح نعدي على المشهد التاني ,,
باب المدرسه مفتـوح امام الجماهير للتعبير عن مشاعرهم وطرح مصطلحات جديده تحت اطار وشعار " الكلام فن وزوق وهنـدسه "
اي اسئـلة يا باش مهندسيـن ?
6/19/2008, 9:45 am
